دخيلك لا تبكيني

حماك الله من صدوف الليالي والتعب والآاااه
عسى اللي فيك من ضيقة زمانك ينتقل فيني

فداك الروح ياروح القصيد ونبضه ومعناه
فداك العمر يانبض الحياة وأجمل سنيني

ترى قلبي من اوجاع التجافي جاه ماكفّاه
طلبتك لاتقول اللي تقوله ،، كان تغليني

انا من لي بهالدنيا اليامن رحت ،، ياويلااه
دخيلك كانها تنفع ،، دخيلك لاتبكـــيني

انا مالي سوى قلبك لياضاقت على انصاااه
عسى الله لايقوله ،، لو فقدتك من يواسيني

من اللي يحتضن همي وتهدى روعتي بحماه
بعدك اليارحلت بذمتي محدٍ يعـــــزيني

هماك تقول لعيوني لو ابغى الكون تتحداه
تحدى نفسك بنفسك ،، وحاول ماتخليني

تصدق دون مااحلف لك ،، او احلف لك قسم بالله
تخيلتك تخليني صحيح ،، ودمعت عيني

شعر – شظايا الشمس

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق