قصيدة “مخاويك الإحساس” للشاعر “نايف الدوسرى”

الخليج- سلمى النجار  : كتب الشاعر “نايف الدوسرى” قصيدة بعنوان “مخاويك الإحساس” قال فيها:

 

بالمنطق الراقي وبالمذهب الزين
قصيدةً من خاطري واسمعوها
عبق البيوت مرجحات الموازين
تشنف لها الاذان لامن وحوها
نظامها عمره ثمانية وعشرين
وعرف صواريف الدهر كلبوها
بديناً تسر العين واتشيب العين
والناس تركض خلفها ولا دركوها
اهل الاسامي والرتب والملايين
اخلو سروج اعمارهم واتركوها
قفو عن الدنيا وحنا مقفين
خطواتنا على خطاتن خطوها
مالله خلقنا بالبسيطه مقيمين
تمعنو في كلمتي واحفظوها
تأهبو على اذان المواذين
واشغالك واعمالكم أجلوها
ترا المساجد عمرت للمصلين
تشهد لمن جاها ومن عمروها
وابدربكم لاشفتو الناس سالين
على الصلاه وفضلها ذكروها
والليل لامنه مضا منه ثلثين
سجده لخلاق العبيد اسجدوها
فيها ثواب منزل الطور والتين
نعمه ونعمة ربنا قدروها
اليا انشرت كل الملفات بعدين
اللي جنيتوها لكم تاجدوها
على الصراط يمر كل الثقلين
محمله بوزارها اللي جنوها
اضهورها ماهي ضهور البعارين
اللي تقوم بحملها ان حملوها
النار مافيها مروفه ولا لين
واللي على بيبانها فتحوها
تستقبل المخطين من حظها الشين
ومن نالو رحمة ربنا جنبوها
للجنه الجنه مقر بلا حين
للي سعو في كسبها واكسبوها

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق